Alichopost Luis Suarez akiomba msamaha – Chiellini amjibu

Siku kadhaa baada ya kufanya kitendo cha kumng’ata mchezaji Giorgio Chiellini katika mchezo wa hatua ya makundi kati ya Uruguay vs Italy, na kuadhibiwa kifungo cha miezi minne nje ya soka, hatimaye jana usiku Luis Suarez aliamua kufanya kitendo ambacho wengi hawakukitegemea.

Akitumia akaunti yake kwenye mtandao wa kijamii wa Twitter, Luis Suarez aliandika ujumbe mfupi akiomba msamaha kwa Giorgio Chiellini na wanafamilia wa soka ulimwenguni kote kutokana na kitendo alichofanya.
Suarez ambaye aliadhibiwa kifungo cha mechi tisa zinazosimamiwa na FIFA pamoja na kutojihusisha na soka kwa kipindi cha miezi 4, amekiri makosa yake na kuahaidi tukio kama lile halitojirudia tena.

Muda mfupi baada ya Suarez kutuma ujumbe huo – Chiellini alimjibu na kumwambia amemsamehe na angependa FIFA impunguzie adhabu.